O zaguer sabado 12 d’abiento, se presentó en a Feria d’o Libro Aragonés de Monzón o libro El futuro del aragonés. Un análisis prospectivo y social, publicato por Prensas de la Universidad de Zaragoza en a coleczión Papers d’Avignon, d’a man d’a Cátedra Johan Ferrández d’Heredia de lenguas propias y patrimonio inmaterial.
O libro replega os resultatos d’una rechira desembolicata por Antón Eito, profesor de «Aspectos de sociolingüística y normalización del aragonés» en o DEFA, e Chaime Marcuello con l’ochetibo d’analizar os discursos d’esferens entidaz e presonas embrecatas en a conserbazión de l’aragonés -fablans natibos, asoziazions, espezialistas, etz-.
En o suyo analís destacan as prenzipals problematicas que ha de concarar l’aragonés en o futuro ta caminar enta ra suya conserbazión.
Os autors estión acompañatos por o direutor d’a catedra José Domingo Dueñas e por o direutor cheneral de politica linguistica d’o Gubierno d’Aragón José Ignacio Lopez Susín.
Ta más informazión dentrar en a plana web d’a Cátedra Johan Ferrández d’Heredia.
